SEGUNDA MISA EN ARAGONÉS EN ZARAGOZA

31 enero, 2008

misa aragones
Quiestos/as ligallers/eras,
O benién domingo 3 de febrero, á las 11:30 y en a ilesia d’Escolapios (C/. César Augusto, 41), se zelebra atra misa en aragonés. Y ya ban dos…! Ye una eucaristía de carauter ordinario, con as suyas leuturas, as suyas cantas, o suyo credo, o suyo Pai de nusatros…, á la finitiba, una cosa normal ta ixo que queremos que seiga normal. Ofiziará Javier Negro, probinzial d’Escolapios y cape a posibilidá de que coofizie mosen Goyo Forniés, que ya ba fer a misa de chunio. Bi abrá bella referenzia á o P. Pedro Recuenco que, como sapez, ba culaborar muito con Ligallo y mesmo publiquemos de conchunta un libro de capetal importanzia ta l’estudeo d’a nuestra luenga, os “Conchugazión y Prenombres Febles”, disgraziadamén acotolau.Como me diziba ayere un amigo: “ye notizia la primer misa en aragonés, pero a segunda…”. No li manca razón, pero a notizia ye en a continidá que ixa primera misa d’o día 10 de chunio ye tenindo, porque ixa segunda ye prelogo d’una terzera, una cuatrena… A notizia ye que ya no ye notizia porque ya se beye como normal, encara que ye berdá que en queda muito de camín por fer, pero cada auto d’istos capable de trucar o ficazio de muita chen y debantar l’intrés d’os meyos de comunicazión, ye un chicorrón trunfo ta toz nusatros y un trango entabán más ta la nuestra luenga.Cal agradexer tamién l’intrés que han meso los Escolapios en as presonas de Javier Negro y Víctor Longares, que han feito un esfuerzo sobrebueno ta que tot isto podese estar una reyalidá.En fin, que tos quiero beyer o domingo bien pinchos, bien escoscaus, con o trache bueno, as mans bien chuntetas y o rosario bien bistero.
Feliciano Martínez Tur
Presidén de Ligallo de Fablans de Zaragoza
e-mail: presidenzia.zgz@fablans.org

Anuncios

Responder

Por favor, inicia sesión con uno de estos métodos para publicar tu comentario:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s